影片
更多
2022-09-24
1008 瀏覽
以前住北角嘅時候間中都有去四寶食堂幫襯，一向覺得水準唔錯價錢又抵食，今日路過旺角分店，見到門口餐牌介紹，食物比以前多元化咗好多，有茶記平時食開嘅碟頭飯，常餐，中式可以叫餸食飯，西式多咗超級多選擇，有鋸扒，沙律，意粉，特色漢堡包薯條，特色甜品，特飲都有，真係眼花撩亂樣樣都想食，不過我哋最後都俾佢咕嚕肉嘅賣相吸引咗，所以決定食中式叫餸食飯😋😋🐔▪️水門雞 $ 88半隻雞份量，雞浸得非常入味，雞皮爽脆冇乜脂肪，同泰國嘅水門雞一模一樣，雞肉又夠滑，而且已經去咗骨，配上餐廳自家製嘅醬油，好味，質素非常唔錯🐷▪️拔絲山楂汁菠蘿咕嚕西班牙黑豚肉 $ 88必食推介，首先好有誠意用上新鮮菠蘿，因為成本，好茶餐廳都唔會用，咕嚕肉係黑豚肉，外皮香脆，肉質半肥瘦非常彈牙有咬口，山楂醬汁調味剛好，帶着麥芽糖嘅甜味，夾起嘅時候件件有拉絲，青椒洋蔥亦非常好食，超有鑊氣🐽▪️意大利陳年黑醋豬扒 $78餐廳真係好慷慨，每碟餸份量都超大，好喜歡這個味道，濃調嘅醬汁有香濃嘅黑醋味微微香甜，豬扒件件鬆軟夠入味，啖啖肉啱晒食肉獸🥬▪️招牌沙嗲牛肉炒蘭花苔 $ 78呢個都係店舖推薦，牛肉淋滑配合濃香沙茶花生醬味嘅沙嗲醬，非常惹味，這個蘭
以前住北角嘅時候間中都有去四寶食堂幫襯，一向覺得水準唔錯價錢又抵食，今日路過旺角分店，見到門口餐牌介紹，食物比以前多元化咗好多，有茶記平時食開嘅碟頭飯，常餐，中式可以叫餸食飯，西式多咗超級多選擇，有鋸扒，沙律，意粉，特色漢堡包薯條，特色甜品，特飲都有，真係眼花撩亂樣樣都想食，不過我哋最後都俾佢咕嚕肉嘅賣相吸引咗，所以決定食中式叫餸食飯😋😋
🐔▪️水門雞 $ 88
半隻雞份量，雞浸得非常入味，雞皮爽脆冇乜脂肪，同泰國嘅水門雞一模一樣，雞肉又夠滑，而且已經去咗骨，配上餐廳自家製嘅醬油，好味，質素非常唔錯
🐷▪️拔絲山楂汁菠蘿咕嚕西班牙黑豚肉 $ 88
必食推介，首先好有誠意用上新鮮菠蘿，因為成本，好茶餐廳都唔會用，咕嚕肉係黑豚肉，外皮香脆，肉質半肥瘦非常彈牙有咬口，山楂醬汁調味剛好，帶着麥芽糖嘅甜味，夾起嘅時候件件有拉絲，青椒洋蔥亦非常好食，超有鑊氣
🐽▪️意大利陳年黑醋豬扒 $78
餐廳真係好慷慨，每碟餸份量都超大，好喜歡這個味道，濃調嘅醬汁有香濃嘅黑醋味微微香甜，豬扒件件鬆軟夠入味，啖啖肉啱晒食肉獸
🥬▪️招牌沙嗲牛肉炒蘭花苔 $ 78
呢個都係店舖推薦，牛肉淋滑配合濃香沙茶花生醬味嘅沙嗲醬，非常惹味，這個蘭花苔菜也是第一次食，有點像菜心，但比菜心更翠嫩，好食
🍲▪️燉湯 $ 20
喜歡飲湯嘅朋友一定唔可以錯過，非常足料嘅燉湯，叫餸食飯只需加$20就可以有一盅，每日不同，今日係五指毛桃蟲草花燉排骨，味道特別有淡淡的椰香味，好清甜，功效係養陰潤肺，補益脾胃，咁平價錢飲到咁高質素嘅燉湯，真係非飲不可
🍹▪️熱情果檸檬梳打 $ 15
呢個又係抵飲，大大杯用新鮮檸檬，熱情果醬加梳打水組成，微微甜好清香又解渴
✨整體嚟講非常高質素好有鑊氣，拍得住大排檔或者中式酒家嘅小炒，但係價錢就抵好多，真係性價比超高，兩個人食到超飽都係幾百蚊，下次有機會要試吓佢哋嘅西餐
張貼
