影片
更多
2011-08-05
519 瀏覽
五一勞動節，家中嬸母提議去名苑同嬤嬤飲茶；去到先知佢係嗰度既熟客。熟成點？嬸母口中既"好耐冇去"，原來係一個星期，可想而知幫襯率幾高！當日爸爸飲茶時覺得Ｄ食物好唔錯，餐廳推介緊既龍躉美食又成功地吸引倒佢注意力，所以就即時訂定位嗰晚黎試。嗰陣時將近母親節，好多人都提早同母親們慶祝，晚市都係安排兩輪入座。我地準時七點半到，不過因為第一輪既客人未走，所以都要等成十分鐘先有位坐。餐廳地方唔算大，樓面低；可能因為節日關係，Ｄ枱都擠到密麻麻，真係幾逼夾，而且比較嘈，不過絕對理解得到，亦可以接受。唔知係咪因為訂位時有嬸母關照，各人既服務態度非常友善。雖然佢地做到踢哂腳，不過每一個都仍然保持笑容，真係好難得。小插曲：爸爸帶左枝紅酒同親友分享，姐姐仔開既時候個塞爛左（好難講話係因為枝酒舊，定係姐姐仔既開酒器唔得），好彩有位後生既經理哥哥好有心機地慢慢幫我地搞返掂，感激感激！因為佢好有技巧地清理哂所有塞碎，一粒都冇落入枝酒內，大家對佢既功夫都讚嘆不已！見佢地咁混亂，所以我地選擇左食連嬸母都話抵食既魚翅鮑魚"燕"，另加一份午餐時訂定既龍躉翅加豆卜。雖然我地都已經係三個月前黎食，不過因為餐廳重做緊個套餐優惠，
嗰陣時將近母親節，好多人都提早同母親們慶祝，晚市都係安排兩輪入座。我地準時七點半到，不過因為第一輪既客人未走，所以都要等成十分鐘先有位坐。餐廳地方唔算大，樓面低；可能因為節日關係，Ｄ枱都擠到密麻麻，真係幾逼夾，而且比較嘈，不過絕對理解得到，亦可以接受。
唔知係咪因為訂位時有嬸母關照，各人既服務態度非常友善。雖然佢地做到踢哂腳，不過每一個都仍然保持笑容，真係好難得。小插曲：爸爸帶左枝紅酒同親友分享，姐姐仔開既時候個塞爛左（好難講話係因為枝酒舊，定係姐姐仔既開酒器唔得），好彩有位後生既經理哥哥好有心機地慢慢幫我地搞返掂，感激感激！因為佢好有技巧地清理哂所有塞碎，一粒都冇落入枝酒內，大家對佢既功夫都讚嘆不已！
見佢地咁混亂，所以我地選擇左食連嬸母都話抵食既魚翅鮑魚"燕"，另加一份午餐時訂定既龍躉翅加豆卜。雖然我地都已經係三個月前黎食，不過因為餐廳重做緊個套餐優惠，所以都想同大家分享一下。
魚翅鮑魚"燕"：每位原價$488，試食價$288，兩位起，全日供應。不過最近加左價：試食價$298。
宮廷皇燒翅（每位3兩翅）：每碗查證過，真係每人足3兩翅，而且學老豆話齋：「粗粗地」，真係食得過！湯底味道香濃，完全唔味精，真材實料，火候十足，真係要比個手指公佢！
名廚4頭南非鮑魚（玉掌伴）：鮑魚一D都唔細隻，質感柔軟，有「鮑魚皇后」之稱既契媽都大讚就代表唔錯啦。鵝掌腍滑，配上鮑汁，我地個個都好滿意。
頭抽皇生煎澳洲大花竹蝦：調味料既味道滲哂入個蝦殼度，所以XO仔食親依款蝦多數都唔lur殼既。蝦肉爽口，蝦殼夠脆，味道甜咸適中，好啱我口味。
古法蒸深海龍躉球：魚肉鮮嫩軟滑，味道清甜，爸爸極度欣賞，更讚不絕口。
古法生炆龍躉翅加豆卜：豆卜真係有加料，讚！魚肉唔夠套餐蒸嗰款滑，不過咁都係正常既，蚊又點會滑得過蒸呢？！最緊要係有香滑肥美既魚皮食！
益菌貓耳朵泡翡翠曲：有個湯底上，感覺唔會油膩，食得健康。清清甜甜，細片既貓耳朵同雑菌夠哂爽口，小弟唔係蔬菜fans，不過都食左好多。
鮑魚荷葉珍珠雞：熱辣辣，香口既糯米飯好滑，料又唔會過多，一人一細包，份量啱啱好。
生磨蛋白杏仁茶：小弟唔係杏仁茶fans，不過叔叔大力推薦，所以都食左碗支持下。個人覺得好稀同好粉，可能因為當晚太多人食，所以溝稀左？！
燕窩養顏流沙包：真係好大個包呀！新鮮蒸出黎，好辣手，不過因為食得太飽，所以食唔落成隻，只係食左一小角。包身鬆軟，而且真係流沙架，香甜滑溜，正到爸爸要食埋我食唔落嗰件。
椰汁桂花糕：餐廳送比每一個食客既甜品。小弟唔係一個椰汁粉絲，所以覺得桂花糕加椰汁好似有少少怪怪地，不過依個純粹係個人口味問題，因為椰汁迷既爸爸食得好開心。
後記：
1) 三百蚊就可以食倒有質素既魚翅，鮑魚，燕窩，真係抵倒爛呀！所以小弟在此極力推薦大家食依款魚翅鮑魚"燕"套餐！
2) 英皇中心其實有自己既停車場比客人泊車既，我地去嗰日剛剛開始裝修冇耐，原本預計七月從開，不過昨日經過重未開返。
張貼
