千両 (時代廣場)

營業中

休息中

環境3分：內裏燈光偏暗，而且迴轉座位真係太過逼夾。枱上有任食日本酸薑，wasabi，同綠茶粉飲用。熱水方面都係自己添，非常之方便，因為唔使成日叫侍應黎做，所以比三分。 衛生4分：正常日本壽司店一般乾淨，所以有四分。 服務2分：因為見迴轉上壽司款式唔太多，而且來來去去都喺嗰幾款，轉左幾次都選擇唔落手，所以決定叫menu上啲壽司大拼盤，同時令生蠔。但等左都接近15至20分鐘，問伙記都問過兩次咁多，即係話叫廚房做壽司嘅時間都係比較耐，所以只得兩分。 味道4分：款款壽司都非常之新鮮，而且魚生同飯嘅比例都非常之好，尤其係拖羅，非常非常之肥美，中間隻蛋有少少暖，非常特別，基本上十樣嘢都係水準之上。但係三隻蠔嘅味道就一般，唔係太過肥美，有一款仲係偏細添，都係壽司好食好多。 抵食4分：十款壽司各2件都只係360蚊，所以我覺得非常之抵食，但係嗰三隻蠔嚟講只係一般般，唔係太高分，但都可以比四分。