新興棧食家

營業中

休息中

新興棧食家因為近排身體抱恙，所以都係乖乖地食下粥品清清腸胃，得知新興棧出名魚腩粥，我最鐘意！一於去試試！一入到去，環境較簡陋，要自己搵位坐，啲人會不斷係你側邊出出入入，係坐得唔太舒服，不過為左食好味的粥，唔緊要啦！魚腩肉丸粥粥底仍然係非常鮮甜入味，魚腩鋪滿粥面，一碗大約有5-6舊魚腩！好抵食，啲魚腩係炒過先再放入粥熬，所以特別香，再配埋薑蔥，人生一大樂事！豬肝粥粥底鮮甜，熬得好入味，豬肝亦有好多好多，成碗粥感覺好豐富。不過粥較稀，食到最後好似飲湯咁！但即使變湯，都係好好飲：）