宏力飲食中心

營業中

休息中

又到午餐時間，今日選擇平平哋，食一間男人飯堂，呢間飯堂位置一啲都唔顯眼，唔係識途老馬，都唔會識得食。內部環境飯堂嘅環境見仁見智，有人覺得坐得舒服，有人覺得坐得逼夾餐牌嘢食嘅選擇真係多籮籮，中式西式燒味常餐蒸飯車仔麵等等等等等等，一應俱全每日仲有四款精選午餐添，呢度食嘢，勝在平平哋，份量夠大份，話明係麻甩佬飯堂，絕對係名不虛傳枝竹斑腩炒米（$46）大男人食都絕對夠飽，斑腩嘅數量一啲都唔小，每一件都油泡過，支竹亦都好林好入味而最好食嘅係個炒米底，好考功夫，成個米粉餅掉落油入邊炸，炸都好香脆，其他餐廳都好似好難食得到凍杏仁霜（$6）你茶餐廳梗係飲啲平時出邊好少飲到嘅嘢，凍杏仁霜夠晒滋潤。