OMG Chicken (已結業)

今日去咗將軍澳南行，經過呢間快餐式燒雞店幾香幾吸引，咪入去等下位。點知等到位坐低之後，有個職員話有人喺我哋之前等緊，要求我哋起身讓翻張枱出嚟。無問題嘅，但明明我哋前面嗰一枱已經自己入去坐低咗，咁點解係叫我哋而唔係前面嗰枱呢？入鋪頭亦都冇職員講要等候安排先可入座，因為本來餐廳都係似快餐店形式。 真係未食已經一肚氣😡 但一場嚟到，見收銀姐姐態度都幾好，都決定點餐。點知就黎食完之際，由於廚房個門係冇關，所以清楚望到入面情況，原來整pizza嘅廚師冇戴口罩一路講野一路整！！😡😡 作為鐘意食野嘅foodie，我都想公平咁評下食物嘅質素嘅。 🍴 二人餐 ($168) ⭐️⭐️⭐️⭐️ 包左半隻燒雞、8吋Truffle Mushroom Pizza、薯條、2隻雞翼、2片蒜蓉包同2杯飲品。燒雞可以自選醬汁，我地就揀左OMG秘製辣椒醬，雖則叫辣椒醬，但一d都唔辣，好彩雞肉燒得幾香幾嫩滑，唔會好乾好鞋，唔錯嘅！Pizza方面都有驚喜，料幾足，而且好香松露味，熱辣辣幾好食。薯條同蒜蓉包就正正常常冇太大特別。 .............................. OMG Chicken 地址📍: 將軍澳澳南海