定食8 (已結業)

筆者成日都會黎定食8食晚餐，貪佢夠平同味道較好。今晚叫左玫瑰鹽牛扒定食同鍋燒牛肉烏冬。其實烏冬食過幾次，每次都覺得真係麻麻，烏冬係比較硬同彈牙個隻，烏冬味唔濃，算中品，d料全部都只係普通貨，冇咩特別，牛肉就用下價貨，牛味唔強，脂肪較少個種。但最好味係個湯底，清甜嘅堅魚味將呢碗烏冬挽救番，飲哂成碗湯都唔過份。而牛扒定食幾乎係必食，白飯普通貨色唔提啦。牛扒預製好哂個味道，只要廚房跟足程序整，每件牛扒都係滑口，一定都唔會"鞋"同靭，仲要牛味好重，$43我相信冇其他店可以做到呢個質素，一定要食！！！另外一提，店內有個免費自助吧，可以任裝湯同茶飲，仲有飯，大食嘅人添多少少飯就岩哂。總結，定食8性價比一流，味道又唔差，正！用餐日期:28/2/2019是餐費用:$106味道:8.5/10環境:9/10性價比:9/10