羅麥記 (已結業)

最近開始喺銅鑼灣番工，去左希慎度見到呢間裝修十分有心思既餐廳，餐廳裡面既窗花、牆身都仿照香港六、七十年代的風格，牆身的字句亦都睇得出係餐廳特地設計，與餐廳、食物有關，坐得舒服，環境又吸引。除左裝修之外，餐牌上面啲野食名都好用心設計，叫左一個＂哈哈哈炒飯＂，初時未諗到係咩，但原來係鮮蝦、蝦米同埋蝦醬既炒飯，以午餐黎計份量都幾大，獲氣好足，啲飯唔會黏埋一舊，一粒粒好乾爽，唔同蝦既味道都好突出，整體黎講６０蚊左右既午飯係幾抵食。下次放午飯時間會繼續去。