饕鍋物 (已結業)

同朋友行街經過見到任食$188（已包加一），餐牌又幾吸引，所以入去一試😋😋入到去位置舒服，枱夠大，可以放晒啲食物，值得一讚。 有唔同湯底選擇，但大部分都係辣嘅。而我唔食辣嘅就揀咗呢個豆腐美人鍋啦🤗🤗鍋底有雞，豆腐，妃子，薯粉咁，清清地，係唔錯嘅選擇👍🏻👍🏻每人一碟嘅牛肉，牛肉質素好好，仲要係厚切嘅！雖然只係每人一碟，但已經可以滿足到你嘅需求。如果唔食牛，可以叫豬，羊。仲有台式小食可以叫， 呢個係滷肉飯，細細碗，味道都唔錯。 呢個係pre-set 嘅海鮮加丸嘅拼盆， 有蠔、蝦、豬頸肉、餃子。 不過丸嘅質感唔夠爽。