影片
更多
2022-11-06
207 瀏覽
一直bookmark住呢間cafe，早排趁生日拎吓假嚟長洲終於試咗啦！但估唔到竟然平日(星期一)午飯時間都有咁多人排隊，好彩我哋當日12:45pm唔使點排隊已經順利入到去✌🏻🍱滑蛋蒲燒鰻魚便當 連餐飲 $80睇落好似一細盒，但其實都有好多飯，份量幾多。滑蛋炮製得恰到好處，唔會太老，又唔會太水、太生。蒲燒鰻魚亦燒得香口入味，近乎無骨；用埋燒汁撈飯食一流🤤🍓糖漬草莓牛奶 +$24見店家手會自己糖漬啲水果嚟做飲品，所以叫咗呢杯糖漬草莓牛奶。賣相唔錯，攪勻左底下嘅糖漬草莓醬之後，整體而言都唔會太甜，仲有啲糖漬草莓可以食吓👌🏻🍮甜品拼盤 $128可以一次過試齊四種自選甜品，呢度簡直係甜品控嘅天堂！提拉米蘇嘅蛋糕層吸晒啲咖啡酒味；焦糖吉士布丁好香滑，唔會太甜膩；玄米茶味雪糕嘅茶香稍稍被朱古力醬嘅香濃掩蓋住；是日蛋糕：焙茶巴斯克芝士蛋糕嘅焙茶味都好出，所以$128真係好抵食😋
🍱滑蛋蒲燒鰻魚便當 連餐飲 $80
睇落好似一細盒，但其實都有好多飯，份量幾多。滑蛋炮製得恰到好處，唔會太老，又唔會太水、太生。蒲燒鰻魚亦燒得香口入味，近乎無骨；用埋燒汁撈飯食一流🤤
🍓糖漬草莓牛奶 +$24
見店家手會自己糖漬啲水果嚟做飲品，所以叫咗呢杯糖漬草莓牛奶。賣相唔錯，攪勻左底下嘅糖漬草莓醬之後，整體而言都唔會太甜，仲有啲糖漬草莓可以食吓👌🏻
🍮甜品拼盤 $128
可以一次過試齊四種自選甜品，呢度簡直係甜品控嘅天堂！提拉米蘇嘅蛋糕層吸晒啲咖啡酒味；焦糖吉士布丁好香滑，唔會太甜膩；玄米茶味雪糕嘅茶香稍稍被朱古力醬嘅香濃掩蓋住；是日蛋糕：焙茶巴斯克芝士蛋糕嘅焙茶味都好出，所以$128真係好抵食😋
張貼
