Y Show Tasty (已結業)

本身諗住同朋友嚟呢間餐廳pre drink下 點知見到隔籬枱啲嘢食勁正🤤 即刻忍唔住嗌咗兩樣野食🫣🍽 頭先我哋帶咗兩罐手工啤，都係carbon brew 出既。分別係杜可風 like the wind IPA，飲落去比較重啤酒花味，少少苦苦地，比較容易入口。另外嗌左罐Sake味既啤酒，一飲落口真係飲緊sake咁，個味道好得意。價錢仲好抵依家只係$38/一罐！然後嗌咗個珍珠帶子蜆肉配海膽醬忌廉意大利飯，出邊食海膽意粉都比較多，海膽意大利飯比較少見，每一粒都充滿海膽香。🤤仲有嗌左西班牙伊比利亞豬肋排配秘製燒烤醬，放咗一陣，切開仲熱辣辣，配埋個燒烤醬，又香又濃，肉質亦都好嫩滑。正！🤭👍🏻