影片
更多
2017-09-18
2413 瀏覽
今日天氣真系好熱, 又悶又焗, 放工好想去 happy hour 飲翻杯冰凍啤酒, 就係咁....今晚就嚟咗海魂燒, 海魂燒近天后地鐵站, 好方便, 出地鐵一條直路行數分鐘, 好易搵, 啱曬我依d路癡。六時多到達, 在場無咩食客, 影相都唔會比人眼望望, 海魂燒屬小型食店, 飲酒食飯一應俱全, 食物選擇多, 價錢又大眾化, 所以有咩喜慶節日佢哋都可能俾人包場, 例如聖誕節。海魂燒主打燒物, 食物取價好進取, 大部份都係幾十, 我見隔離台的燒物好鬼正, 可惜近排有啲熱氣, 今晚要叫啲老正嘢食。1664 BLANCE ($42)我摯愛的生啤, 帶清新果香及香花香, 入口冰涼爽口, 超爽, 呢度只賣 $42, 我係香港飲過最抵飲的一間食店。炙燒和牛他他配水牛芝士及自家牛油果醬 ($128)A4和牛色澤紅潤, 油花分布平均, 厨師略燒外層帶出油香, 我朋友晤系好食牛, 今晚獨食左4片;第一片: 凈食 ~ 不算入口即溶, 但肉質都幾嫩滑油香, 100%不經調味, 味道單調了少許。第二片 : 配水牛芝士 ~ 水牛芝士本身味道不濃烈, 屬於較清淡的芝士界別, light 鹹, 奶味較重, 第一次用水
六時多到達, 在場無咩食客, 影相都唔會比人眼望望, 海魂燒屬小型食店, 飲酒食飯一應俱全, 食物選擇多, 價錢又大眾化, 所以有咩喜慶節日佢哋都可能俾人包場, 例如聖誕節。
海魂燒主打燒物, 食物取價好進取, 大部份都係幾十, 我見隔離台的燒物好鬼正, 可惜近排有啲熱氣, 今晚要叫啲老正嘢食。
1664 BLANCE ($42)
我摯愛的生啤, 帶清新果香及香花香, 入口冰涼爽口, 超爽, 呢度只賣 $42, 我係香港飲過最抵飲的一間食店。
炙燒和牛他他配水牛芝士及自家牛油果醬 ($128)
A4和牛色澤紅潤, 油花分布平均, 厨師略燒外層帶出油香, 我朋友晤系好食牛, 今晚獨食左4片;
第一片: 凈食 ~ 不算入口即溶, 但肉質都幾嫩滑油香, 100%不經調味, 味道單調了少許。
第二片 : 配水牛芝士 ~ 水牛芝士本身味道不濃烈, 屬於較清淡的芝士界別, light 鹹, 奶味較重, 第一次用水牛芝士配和牛食, 估唔到又出奇咁夾。
第三片 : 配牛油果醬 ~ 牛油果醬滑口, 清新味淡, 同和牛味道也算夾。
第四片 : Mixed 牛油果醬及水牛芝士, 再加2條洋蔥, 三種味道混和後, 牛油實香+芝士奶味+牛油果的清幽+洋蔥香氣, ,味道很豐富, 洋蔥跟平時吃的較淡味, 沒那麼搶喉霸道。
燒蘇格蘭蟶子皇 ($78/隻)
超級勁大隻聖子皇, 比我手掌還長, 聖子厚肉又肥美, 上面鋪滿蒜蓉及脆香鹹火腿絲, 非常香口搶味, 所以呢......我就撥開咗大部分, 只係留返少許蒜蓉及火腿絲伴食, 聖子肉鮮甜爽口, 其實唔需要太多搶味配料已經很甜美。
黑松露芝士牛油焗雜菌 ($48)
上枱超香芝士味, 清香黑松露加厚厚的一層拉絲芝士, 極度邪惡, 菇菌吸收了芝士牛油汁, 入口鹹香惹味, 好食, 黑松露份量也不少了, 食到途中還可以拉到絲。
蜂蜜燒鳳梨 ($28)
BBQ 必選擇ITEM, 掃上蜜糖再略燒, 菠蘿有密味, 好腍甜, 冇渣, 平食飯後甜品之選。
張貼
