宏 (已搬遷) 新店位置

行完街，又累又餓，入左去The One 涼下冷氣，順便睇下有咩食先。見到有間食日本定食既，入去坐底，望望下個餐牌，甘熟口面既。好似食過，不過唔係呢間分店。食過呢個三彩丼定食，依然做到水準，海藻烏冬用新鮮海藻製，食過番尋味！吞拿魚碎魚生飯同沙律都好新鮮。朋友仔個鰻魚定食都唔錯，大大條鰻魚咬落啖啖肉，正！宇治抹茶奶，濃濃既抹茶味同滑滑牛奶比例恰到好處。初茶即係 Japanese Green Tea定食餐有抹茶卷送，味道唔太甜，唔怕漏。女人真係有兩個胃既，又黎兩杯京都宇治抹茶雪糕芭菲。其實都有分別架，左邊係硬雪糕，配有抹茶糯米磁，抹茶啫喱，芝士忌廉同粟米片。右邊係軟雪糕，配料係白玉丸子，抹茶啫喱，紅豆同杏仁脆片。