納思比 (已結業)

題外話/補充資料： 值得一提既一點係佢既服務態度真係有待改善，一入到去同佢表明想食抹茶火鍋，佢已經問係咪單食，我o地表明係淨係食抹茶火鍋既時候，佢就帶我o地入去坐低之後就無再理過我o地。直到我o地見到其他檯既客人都有杯茶既時候，於是都舉手示意需要一杯茶，但叫o左3/4次之後都係無人理我o地,比我o地既感覺係淨係點抹茶火鍋既客人無咁值得招呼。到終於落單既時候，因為我o地唔肯定個鍋好唔好食，於是就決定先叫一個share，如果食過好食之後再追加，點知佢劈頭第一句就係呢度最低消費係每人$100。其實黎之前都有loop過open rice，但又無特別見到有最低消費(可能係我眼細睇唔到)，所以果下都有D噩然=="最後都點o左一人一個...雖然佢之後都有笑哂咁過黎加茶比我o地，但始終第一印象已經留下o左深深既烙印........... 佢既抹茶鍋值得推介，但如果佢既服務態度一直都係咁，恐怕都幾趕客。