宏 (已結業)

今晚同朋友來到好耐無黎過的黃埔食晚餐，有咗地鐵站真的方便很多。近地鐵站有間好大型的Aeon 商場，隔離的九號水產開咗好多間日本菜餐廳，見到呢間主打綠茶甜品的日本cafe 就入黎試下。見到個大鰻魚套餐好抵食，超豐富，特價$180.賣相精緻美觀，套餐包咗一個大的鰻魚飯，沙律，海藻烏冬，抹茶蛋卷同紅茶。鰻魚燒得軟稔入味，入口肥美，醬汁惹味香甜，用日本產的米，飯粒結實飽满，煙韌可口。烏冬夠彈牙爽滑，湯底清甜美味。原味雲呢拿蛋卷同芝麻味，蛋糕軟熟滑溜，中間的忌廉香滑清甜。加$20可以轉做熱抹茶奶，抹茶味好濃郁，奶味滑溜，香甜中帶有少少甘味。必叫的日本宇治抹茶pancake,$78, 有兩層厚抹茶pancake,麵粉軟身，入口即溶，抹茶香味散發，配有香滑的抹茶雪糕，同脆口的烤杏仁片，味道好夾。抹茶軟雪糕芭菲，$88, 抹茶味濃郁，雪糕軟滑，配有白色小丸子，爽甜的抹茶啫喱同紅豆蓉，口感富有層感。