Valérie (已搬遷) 新店位置

中秋雖然就到, 但周圍都已經見到不同月餅既宣傳, 有朋友集體訂購中村xx既抹茶月餅, 但大胃couple覺得價錢太貴唔舒得食, 所以無join, 而上網見到呢間本地小店都有出抹茶月餅, 價錢仲平好多, 而家上網買有discount, $108 4件, 所以就訂左盒試下~抹茶月餅一件細細粒, 獨立包裝, 打開都聞到有抹茶味, 入面同外面都係綠油油一片, 食落外皮帶點鬆化, 而入面既抹茶蓉幾軟滑, 抹茶味香濃, 唔會太甜, 係幾特別既味道, 雖然細細粒, 但食哂一件都幾飽下, 今次係大胃couple第一次食抹茶月餅, 感覺好新鮮, 亦比傳統月餅無咁肥膩, 要黎送禮都唔錯