影片
更多
2014-12-20
1888 瀏覽
出完街想食個簡便晚餐！又唔想行咁遠，所以在車站附近搵！登龍街開了幾間拉麵店，今晚想試未試過嘅，一間排長龍，一間唔使排隊，帶住肥髀唔方便排隊！就去金田家！門口兩個女店員好好笑容，枱櫈唔迫！幾舒服，店內播住日文歌，入內坐一張靠牆二人枱，白牆深木枱，好樸實，枱面有齊餐具調味料，好乾淨整齊！店員知道我第一次食，好耐心講解三種拉麵嘅分別，又會問要暖水定凍水，見我抱住手袋，又搬張櫈比我放袋，仲會攞條毛巾蓋住，肥髀食完麵，店員仲濕咗張紙巾比佢抹咀！我叫一個拉麵再加替玉，店員會問我使唔使即上，佢都估到我加大同肥髀食，都會問一句，唔會機械人咁替玉後上，再特別提醒廚房即上，呢啲服務唔係一個，係幾個唔同嘅店員做，仲要我食完問關於拉麵嘅問題，佢哋麵都耐心答我！我覺得呢間麵店服務真係超越我想像地好！好小事但窩心，好值得推薦！點餐用點餐紙，其實得三款拉麵，再決定拉麵硬度，走唔走蔥，呢間麵店好專心做麵，除了拉麵，連餃子都無，飲品都只得兩樣，我知日本人拉麵店都係咁，但好多來香港之後都改變了，欣賞日本人嘅堅持！金田家豆芽叉燒拉麵：賣相好乾淨，每種配料分明，我係比芽菜吸引，爽口，木耳絲有咬口，蔥花全細青蔥，嫩綠爽口，好正
點餐用點餐紙，其實得三款拉麵，再決定拉麵硬度，走唔走蔥，呢間麵店好專心做麵，除了拉麵，連餃子都無，飲品都只得兩樣，我知日本人拉麵店都係咁，但好多來香港之後都改變了，欣賞日本人嘅堅持！
金田家豆芽叉燒拉麵：賣相好乾淨，每種配料分明，我係比芽菜吸引，爽口，木耳絲有咬口，蔥花全細青蔥，嫩綠爽口，好正！叉燒片薄身，肥瘦相間但唔油膩！店員話係豬腩片，寫明清淡口味，湯底聲稱煲了15小時，味道濃厚，漿口但唔會好油，我鍾意呢種清啲嘅湯！拉麵我們揀了普通硬度，拉麵屬於幼麵，唔會硬，掛到湯，略嫌軟身（個人口味）！不過第一次食叫普通最穩陣！
替玉：估唔到替玉有蔥花及叉燒粒，我問店員，佢話叉燒切到尾切唔到片，就切粒比替玉嘅客人，唔浪費又可以比替玉客人加餸，幾好！自己喜歡叉燒粒多啲，唔嚡又有咬口！肉味仲濃！
埋單只係$104，兩個人銅鑼灣晚餐！好抵！
冬天食一碗熱辣辣拉麵！好幸福！
張貼
