拉麵太郎 (已結業)

間店唔但至個名好得意，而且店內都好有店主既風格，整齊同服務態度超好，d座位每個都拍得超整齊，而且食品全部都高水準。京都豚骨拉麵炸雞：炸得超香，而且炸得岩岩好，炸粉唔會太厚，雞又有醃味，一食就知呢間野實會係香港打出名堂，同出面既炸雞非常唔同。太郎拉麵：太郎拉面好食到你唔信，湯底鮮甜味美，而且拉面彈牙，重點既係果兩舊叉燒，半肥瘦我至鐘意，再加上吸收左湯底既精華，令成個湯配合得天衣無縫。薯仔沙律：個味好正，好開胃，估唔到薯仔同沙津會咁夾，而且食落會有陣陣既蛋黃醬味炸薯仔餅：呢個真係好少可，可以係出面食到既真係唔多，食落真係超好味，未試過食咁好食既薯餅。炸得岩岩好，唔會太油膩辛辣青瓜：清涼又帶點開胃既感覺，食材簡單既配搭，最重要係唔會太辣，又有種爽口清新既感覺。