麺処一家 (已結業)

夜晚突然之間想食拉麵，行過尖沙咀厚福街就見到兩間拉麵店。行過一間嘅時候突然醒起之前 報紙報導過呢間，所以就下入去試下，見到佢入面有三款麵，湯底同麵底都一樣，只係上面啲肉唔一樣，咁所以我就嗌咗個妹妹推介再加多隻溫泉蛋，上面係慢煮豬肉。等咗大概十分鐘就上菜，湯底好濃郁，啲拉麵可以掛到湯汁，而且好特別佢嘅湯上面有洋蔥喺度，所以食拉麵嘅時候會食到少少洋蔥味。總括而言係幾好，不過略嫌豬肉太少同太細塊，如果多一兩塊會好好多。