鳴虎 (馬頭圍道) (已結業)

啓岸巷子附近有好多餐廳，呢一間喺馬路邊嘅餐廳成日搭車都會經過，所以今日就一於嚟試嚇，估唔到有驚喜喎！北海道辛味增拉麵呢個系佢哋嘅期間限定，湯底會食得出比較濃厚嘅辛辣味，每一啖飲落去都會刺激你嘅味蕾，但系就越飲越上癮！上面嘅配料都好豐富，包括有叉燒，蟹柳同糖心蛋！叉燒睇個樣都知道好大塊，而且好入味，咬落腍得來又唔會散收收，蟹柳都好粗身同新鮮，食得出系靚料！整體嚟講呢一個拉麵好惹味！真系會令人食過返尋味！黑胡椒豬軟骨拉麵呢個都系佢哋嘅期間限定，出面好少食到呢個搭配嘅拉麵，所以我哋就索性叫咗一碗你試嚇！呢個湯底飲落雖然冇上面嗰個咁濃烈，但系仍然有好濃嘅胡椒味同香油味！豬軟骨好大嚿，咬落好軟腍，而且系醃得好入味！面身我揀咗比較硬嘅質地，比較有咬口，而且都幾掛湯！不錯！總括依然呢間拉麵店啲拉麵都好有特色，尤其系期間限定嘅款式，我覺得都好值得去試下！