麵屋 元祖達摩 (已結業)

香港近年真係開了好多間拉麵店，但是每一間拉麵店質素都參次不齊，好多時都會中伏，但今次同朋友去到大埔呢間拉麵店就認真無中伏，而且整體味道亦不錯。店內環境舒適，而且拉麵款式都算多，最後見到佢有個牛乳拉麵好似好特別就點了啦。北海就3.6牛乳拉麵湯底奶白色，飲落有濃郁嘅牛乳味，相當不錯。麵量足夠，而且麵質爽滑，而豚角亦量都幾大份，食完相當滿足。雞軟骨餃子呢個餃子口感相當豐富，全因佢加了爽脆嘅雞軟骨，味道較香口。自家製手羽先手羽先表面金黃相當脆口，內裡肉質尚算嫩滑真係送酒一流。