鳴虎 (北帝街) (已結業)

上網找到土瓜灣北帝街這間日式拉麵， 好評不少， 今日襯喺附近活動完畢入去品嚐 一吓先～簡單木系裝修， 座位唔多， 彌漫著日式拉麵小店的氣氛。坐低便送上兩杯冰凍嘅麥茶， 吃濃味嘅拉麵真係最適合不過～主要有四款湯底 及一款是日推介。龍蝦沙律以為龍蝦都是點到即止， 想不到龍蝦肉也蠻多的。 味道仲好鮮 ， 用紫菜包著吃實在美味! 😋鳴海老以豬骨湯底做膽， 所以底味都係豬骨湯味， 加入櫻花蝦粉， 有超濃郁鲜香嘅蝦味，衝擊味蕾，有層次 ，也令喜歡蝦滑底嘅人神魂顛倒。麵質都是個人最喜愛的，幼身爽滑紮實的口感， 每一口也能吸滿湯汁，非常精彩。叉燒更是自家炮製， 帶少少肥， 厚薄適中醃得入味，煎香後更滿有肉香。😋😋波子汽水配日式拉麵🍜， 風味十足。另一款拉麵選了「鳴虎」， 湯底以日本魚乾及豬骨組合而成， 多了一重魚乾香氣， 就只有日式拉麵才品嚐到嘅湯底。配菜的大蔥和木耳絲爽口美味， 糖心蛋又香又滑。拉麵整體滿意， 超濃郁嘅湯底最令人印象深刻。