一風堂 (已結業)

三隻馬騮上完游水班！即刻去醫肚！大家都想食拉麵，但居然要行到第三間拉麵店先有位！（星期六的銅鑼灣）佢安排個靠牆吧枱位比我們，兩大三小其實唔方便，個個向牆，食物要分享都要傳來傳去，但無計！餐廳都有兒童餐具，欣賞係有壺冰茶放在枱上，天氣熱一坐低可以即刻消暑！叫咗：「爆脆」飛魚子沙律--蟹子新鮮爽脆，蔬菜新鮮！整體好味！炸紫菜墨魚鬚--炸得外脆內軟！紫菜粉就無乜味，點沙律醬好味！特製赤丸新味--比三隻馬騮分享！個個都食晒！特製札幌味噌拉麵--媽咪食！黑蒜油豬骨粗拉麵--蒜油香，所以我都無再加調味品，豬骨湯底濃厚，粗麵有咬口，我鍾意，配料多！青蔥、木耳絲、荀都正常，塊肉好肥，好像五花腩一樣，而鹵蛋好滑！整體配合得好好！串燒：雞翼、車厘茄、玉米，我只係食咗雞翼，外脆內軟，外皮脆之外仲咸咸地，好香口！好味！另加紫菜及溫泉蛋--馬騮食侍應有禮勤快，仲教我下載apps儲印花！全程都無嫌棄三隻馬騮嘈！good!