一風堂 (朗豪坊) (已結業)

約左友人喺朗豪坊睇Avengers End Game，開始前去一風堂食碗拉麵🍜，鍾意呢度上菜速度快，食完又唔會太飽，份量掌握得岩岩好🙂。我揀左白丸原味，友人揀左另一款唔辣既拉麵（忘記名，有柚子粉，食落酸酸地幾開胃）。另外再叫左叉燒包、白丸蒸蛋。😗兩個難仔好似叫得太多😝對上嗰次食一風堂已經係幾個月前，我幾鍾意呢度既拉麵湯底唔會太濃太杰，麵條屬幼身，麵質彈牙，叉燒煮得岩岩好，夠滑。本身蒸蛋上錯左辣味，換返個原味比我，可惜個蛋蒸得有點老，係就係足料既，呢個可以慳返錢。友人個叉燒包既煙un，厚切叉燒，不過上枱時已經有d凍凍地，少少失色。