影片
更多
2019-09-29
90 瀏覽
今日同老公一齊去食呢間好出名既日式吉烈料理，一入到舖已經感覺到濃濃既日式裝修風格，店員都好有禮貌咁帶我地去座位，期間經過咗好多裝修得好靚既卡位，未食飯已經感覺到會好高質! 我地揀咗一輪之後決定每人都食D唔同既野可以一齊share，店員已經好醒咁問我地係咪要將兩個餐既炸物放埋一齊放便share，細心位加分!我地分別叫咗吉烈大蝦豬柳定食同埋吉烈帶子豬扒定食。首先喺擺盤已經好有心思，放得好靚同埋兩邊都有一小塊檸檬。同時店員喺上菜前都有叫我地預先整碎芝麻方便一陣加入豬扒醬一齊食，同時上菜後都再介紹台上面既醬料，包括有濃味D既醬汁同埋淡味D既柚子醬，可以喺食生菜時有唔同既口味選擇。另外亦都有粗鹽、芥末同埋他他醬可以點。豬扒係炸得岩岩好，完全唔乾keep住有肉汁，炸漿亦都適中。豬扒係好有肉味而且肉質鮮嫩，好高質。另外豬柳又係另一種體驗，細細粒咬落去肉汁更加豐富而且好似牛肉咁淋，豬肉味再突出D，連埋菜同飯一齊食好享受!帶子亦係比我地預期中出色，因為本身已經好大粒肉質又結實，完全同街邊既雪藏貨冇得比，冇諗過炸完既帶子都可以鮮味十足! 大蝦亦整得十分出色，肉質好實淨唔會散哂，食得出係新鮮蝦炸成，蝦味亦都
我地揀咗一輪之後決定每人都食D唔同既野可以一齊share，店員已經好醒咁問我地係咪要將兩個餐既炸物放埋一齊放便share，細心位加分!
我地分別叫咗吉烈大蝦豬柳定食同埋吉烈帶子豬扒定食。首先喺擺盤已經好有心思，放得好靚同埋兩邊都有一小塊檸檬。
同時店員喺上菜前都有叫我地預先整碎芝麻方便一陣加入豬扒醬一齊食，同時上菜後都再介紹台上面既醬料，包括有濃味D既醬汁同埋淡味D既柚子醬，可以喺食生菜時有唔同既口味選擇。
另外亦都有粗鹽、芥末同埋他他醬可以點。
豬扒係炸得岩岩好，完全唔乾keep住有肉汁，炸漿亦都適中。豬扒係好有肉味而且肉質鮮嫩，好高質。另外豬柳又係另一種體驗，細細粒咬落去肉汁更加豐富而且好似牛肉咁淋，豬肉味再突出D，連埋菜同飯一齊食好享受!
帶子亦係比我地預期中出色，因為本身已經好大粒肉質又結實，完全同街邊既雪藏貨冇得比，冇諗過炸完既帶子都可以鮮味十足! 大蝦亦整得十分出色，肉質好實淨唔會散哂，食得出係新鮮蝦炸成，蝦味亦都好濃，好滿足!
另外仲有可以不斷refill既飯同埋菜，所以一定可以飽住咁走。
我地最後再嗌咗個抹茶雪糕和菓子。抹茶味好濃而食到北海道牛乳既味，因為奶味好明顯，連埋抹茶味好有衝擊，和菓子有抹茶cream做餡料，好新鮮同fresh。
成餐飯都好滿足，特別係個環境同店員既服務，個人覺得拍得住日本既中高價位餐廳! 一定會再嚟幫襯!
張貼
