影片
更多
2023-04-29
560 瀏覽
一直都對源峰超大塊嘅火炙和牛海膽壽司念念不忘！今次見到全新嘅吞拿魚和牛饗宴，選用近江和牛，有齊刺身、蒸物、爐端燒、天婦羅、手卷同我心念念嘅和牛壽司，又點可以錯過！餐廳由日籍廚師主理，坐擁著城門河同沙田石門靚景，更設有間隔嘅房間，好有自己嘅私人空間，係同朋友靜靜地傾下計嘅好地方。廚師發辦 • 吞拿魚和牛特選套餐 $980pp1️⃣前菜火炙吞拿魚赤身｜吞拿魚軟滑魚味岀，經火炙後更帶焦香，配埋酸酸甜甜嘅紅椒黃椒，幾開胃~2️⃣ 刺身大吞拿魚腩2種 ‧ 中吞拿魚腩 ‧ 時令刺身｜兩款厚切拖羅都好正！入口即化，脂香四溢！其中一款更兼具魚味，油膩感唔會太重。中吞拿魚腩隱藏係爽口生菜之中，第一啖咬落去好爆汁，魚腩軟滑，辣根汁同生菜成功增添左一絲清新感覺。時令嘅牡丹蝦鮮甜軟彈。3️⃣蒸物蒸蛋軟滑，表面灑滿日本小銀魚，略嫌蛋味較淡，容易被小銀魚香氣蓋過。4️⃣爐端燒A5近江和牛柳日本三大和牛之一嘅近江和牛！主廚以正宗爐端燒烤製，邊邊燒得焦脆之餘唔乾，肉質軟嫩，中心位置仲好滑添~ 另附四款醬料：山葵、 辣蘿蔔蓉、醬油醃漬山葵、醬油脆脆，每款調味都唔會過重，特別鍾意醬油脆脆，微甜豐富口感。5️⃣季節天婦羅沙錐魚大大塊，外層有別
一直都對源峰超大塊嘅火炙和牛海膽壽司念念不忘！今次見到全新嘅吞拿魚和牛饗宴，選用近江和牛，有齊刺身、蒸物、爐端燒、天婦羅、手卷同我心念念嘅和牛壽司，又點可以錯過！
餐廳由日籍廚師主理，坐擁著城門河同沙田石門靚景，更設有間隔嘅房間，好有自己嘅私人空間，係同朋友靜靜地傾下計嘅好地方。
廚師發辦 • 吞拿魚和牛特選套餐 $980pp
1️⃣前菜
火炙吞拿魚赤身｜吞拿魚軟滑魚味岀，經火炙後更帶焦香，配埋酸酸甜甜嘅紅椒黃椒，幾開胃~
2️⃣ 刺身
大吞拿魚腩2種 ‧ 中吞拿魚腩 ‧ 時令刺身｜兩款厚切拖羅都好正！入口即化，脂香四溢！其中一款更兼具魚味，油膩感唔會太重。中吞拿魚腩隱藏係爽口生菜之中，第一啖咬落去好爆汁，魚腩軟滑，辣根汁同生菜成功增添左一絲清新感覺。時令嘅牡丹蝦鮮甜軟彈。
3️⃣蒸物
蒸蛋軟滑，表面灑滿日本小銀魚，略嫌蛋味較淡，容易被小銀魚香氣蓋過。
4️⃣爐端燒A5近江和牛柳
日本三大和牛之一嘅近江和牛！主廚以正宗爐端燒烤製，邊邊燒得焦脆之餘唔乾，肉質軟嫩，中心位置仲好滑添~ 另附四款醬料：山葵、 辣蘿蔔蓉、醬油醃漬山葵、醬油脆脆，每款調味都唔會過重，特別鍾意醬油脆脆，微甜豐富口感。
5️⃣季節天婦羅
沙錐魚大大塊，外層有別於一般天婦羅炸皮，而係用上七彩米通，香脆帶米香。魚肉軟滑無乜骨，連魚尾都食得。其餘幾款野菜天婦羅：野蒜、菇、茄子，炸皮相對較薄脆，茄子好爆汁
6️⃣蔥吞拿魚腩手卷
係可以自己DIY嘅手卷！加幾多吞拿魚、蔥、蘿蔔粒、芝麻都可以自己話事。吞拿魚口感軟綿，魚味濃又唔腥，仲保留左有少少魚肉口感。飯粒分明，飽滿又有咬口，越食越有米香，好想添飯
7️⃣火炙和牛海膽壽司
家姐呀妹最期待嘅一道！和牛超一大片，油脂分佈平均，軟嫩富肉汁，脂香肉味兼備，帶炙燒香，配埋軟滑海膽，幸福感滿滿8️⃣椀物
味噌汁超足料，有蜆、菇、蘿蔔、蒟蒻等等
9️⃣甜品
靜岡蜜瓜香甜多汁，士多啤梨甜得黎，不失果香酸甜。
張貼
