富華燒臘飯店

營業中

休息中

暫時都仲未試過佢地每日既午市快餐，次次都係散叫，下次試試啦 ~咖喱牛腩拉麵加辣，中晒招，好難食，好鬼搵笨，只係一個味精湯浸拉麵，再係上面淋咖喱牛腩。麵質腍劈劈，完全唔爽口彈牙；牛腩超硬又無味。整個麵都好啖，牛無牛味、麵無麵味、咖喱無咖喱味，救命呀。焗肉醬珍寶腸意粉，上枱時只暖不熱又唔香，味道免強接受，偏淡。個碼真係太少，肉碎得啲啲、珍寶腸三片、醬唔夠撈意粉。港式意粉都算乾身，但真係煮到二十成熟，發脹晒，口感又腍劈劈。叉油雞飯，比想像中好，叉燒口感較為實淨，但味道不錯，雞肉倘算嫰滑，幾好。蔥油同甜豉油均香甜可口，但食完有點勁喝。總括黎講，試得過。