小鍋米線

營業中

休息中

呢間係由中學已經食開，係元朗係好出名，我身邊既朋友都鍾意食呢間。間舖係條小巷入邊，位置完全唔起眼，不過就成日滿座要等位，而且亦多外賣。店內空間都唔大、比較狹窄，得十零張細枱，難得今日平日下晝13：00去到唔洗等，直入有位。四個人，大家嗌唔同既餸同米線。招牌米線+南乳雞件應該係最受歡迎既組合，$47，跟杯熱飲。個湯底小辣，微酸，有好多配料，有雞肉、菇、生菜、甜酸菜.......，真係好正！同出邊既米線湯完全唔同，好好食~~蒜香雞扒，南乳雞件都新鮮炸起，好熱好脆。雞肉嫩滑有汁，不會太老、鞋。呢個價錢，咁大碗多料，算係抵。