宿宿醉 (已結業)

去中環搵好食嘅越南嘢食真係好難，大多數都係不過不失的越南餐廳，無意中比我搵到呢間宿宿醉去試吓，食出驚喜！選擇唔算太多，勝在特別同好食！特別叫咗個椰青，價格合理＄48 ,大細適中。椰汁清甜滋潤，椰肉仲好易起肉，可以做飲品同時做甜品。黑松露燒帶子沙律＄88 ,超級抵食！帶子好新鮮香甜，煎到半山熟，睇圖就知黑松露有幾多啦，連買沙律一齊食，又香黑松露味道，又清新，冇得彈！超級宿醉回魂粉＄188 , 足夠三至四人份量，用古時宮庭式的器皿裝住回魂粉黎食已經夠晒吸引，突然覺得高級左！有安格斯牛肉，牛坑腩，牛柏葉，牛筋丸，越南虎蝦，我真係未食過咁多材料嘅火車頭！越南虎蝦係超級新鮮，肉質彈牙香甜，有手掌咁大嘅！牛坑腩油脂分布均勻，夠晒林，好好味！牛筋丸好似手打咁好食，一口咬落去仲會有油汁彈出。最緊要係火車頭嘅湯底，應該用咗好多牛骨整作湯底，完全冇味精味道，用科高級，食材健康！值得一試。香茅牛油蒜香雞翼＄88 ,係單骨雞翼，炸得好香脆，超級香蒜香味道！雞翼嘅肉質亦都好嫩滑。越式燒豬頸肉法包＄88，估佢唔到咁驚喜，唔單止好新穎，仲好好食！豬頸肉燒到香脆可口，夾埋蘿蔔絲青瓜生菜，口感好新鮮！