豚之家豬排專門店

營業中

休息中

招牌炸豬扒、特濃沙嗲湯、手工拉麵（$60）不愧為招牌菜，大大塊無骨豬扒即叫即炸，啖啖肉，外脆肉嫩，一啲都唔乾。沙嗲湯底夠濃郁，帶有少少花生味。拉麵有咬口，唔糊口，而且份量幾多。秘製煎豬扒、蔥油拌、陽春麵（$47）相對於炸豬扒，煎豬扒就略嫌失色少少。表面淡淡甜味，肉質沒有炸豬那麼軟嫩，但亦不是嚡的。蔥油拌麵是即時落蔥落油炒香再加入麵撈勻，唔似坊間好多係麵上面放上蔥油自己撈（因為望到廚房即時處理），所以好特別香。陽春麵幼身，亦都唔糊口，份量適中。手工菜肉雲吞（+$10）兩大粒，餡料足，多菜適量肉，調味亦不錯，但雲吞皮稍稍偏厚及無咩彈性。脆香鹽酥雞（+$10）約八九小粒，炸得酥脆。