金滿膳燒味餐室 (已結業)

同男朋友行街，行到肚餓，去食下午茶。見到有間叫金滿膳的餐廳，餐廳位於牛頭角牛頭角道357-375號仁安大廈地下。餐廳門口展示櫃掛左幾排燒味，望落去好靚好新鮮熱辣，再睇埋餐牌，燒味粉麵下午茶只需＄34，仲包一杯熱咖啡或茶，真係驚喜價！一於入去試吓係咪伏。餐廳入面乾淨企整，光線充足，座位就係一般茶餐廳的裝修，牆上面貼左好多食物相，方便人選擇食物。我哋叫左一個招牌脆皮燒腩仔米粉和一個燻蹄米粉，佢的燒味和粉麵係分開上的，燒腩仔皮唔會浸到諗曬。米粉的份量好多，燒味的份量又多，咁多份量你話佢係午餐都有人信👍燒腩仔肥瘦剛剛好，外皮脆卜卜。燻蹄皮爽肉嫩，皮肉層次分明，咬落去豬皮的骨膠原充滿口中，超正👍絕對要介紹朋友來幫襯！