華嫂冰室 (杜智臺)

營業中

休息中

今日公司有人請食下午茶，就選擇左用網上外賣平台叫華嫂冰室，呢間冰室咁多年都係第一次幫襯，唔知食物既質素係點，但聽聞啲伙記好有自己既態度，淨係呢點，本人都已經忍受唔到，不過，都係要自己親身經歷過先可信既，又睇下有無呢個機會啦。講返個下午茶，我點左招牌菠蘿飽＋熱奶茶，三點半落單，四點三左右已經送到上公司，比想像中快，奶茶仲有七成熱，味道係一般茶餐廳奶茶味，個茶膽好濃果隻，岩我口味，菠蘿飽仲係脆口，飽內夾左蕃茄及煎蛋，係普通既餡料，但蕃茄＋雞蛋既配搭擺落去一個好脆好大個又實淨既菠蘿飽道，肯定係好味，如果硬係要我去評一個分數，本人比85分。