閨•家 (西九龍中心) (已結業)

曾經食過北角分店既閨家，回味無窮，但平時收工真係好少去北角。今次嚟到深水埗，餐廳大排長龍，試下味道如何先。招牌豬扒飯兩塊好大塊金黃色嘅豬扒，揼得好鬆軟，好容易就咬得開，而且醃得好入味，送飯一流。手刴香煎蓮藕餅 + 甘荀麵蓮藕餅外層稍為煎香，每啖都咬到爽口既蓮藕。甘荀麵既麵條好長偏軟身，都幾唔錯。蟲草花百合無花果煲豬展最值得一試既係每日唔同既老火湯，鮮甜滋潤得嚟飲得出無落味精，煲足4個鐘，係誠意之作。手拍青瓜蒜蓉醬好惹味，食落有少少辣但係絕對接受得到，份量都唔少。⭐️ 炸饅頭外層香脆熱辣辣，配埋煉奶真係錦上添花。簡單既小食都整得好有水準，絕對會再翻兜呢間餐廳。