維記咖啡粉麵

營業中

休息中

好耐無食喇，見唔太多人，就喺度食個快靚正晚餐。我要咗一碗潤牛米，朋友仔唔食潤，就點咗牛蛋麵。好快就有得食，滿滿的一碗。試試個湯，有驚喜，好香濃，連唔食潤嘅朋友仔都話正。兩碗湯明顯唔同，有潤果碗味道更豐富👍🏻👍🏻。好鍾意食米粉，連埋湯一齊食就very good 喇。當然唔少得有招牌豬潤，份量好多呀，濃郁入味，感覺好滋補😆。牛肉都唔錯，不過相比就無潤咁搶鏡。但我會建議大家點雙併或三併，如果只點豬潤一餸就有點單調，而且雙併三併價錢都係差少少。