緬甸招牌湯米線 (已結業)

見到門口貼唒相，雜誌報導就入去試下，推開玻璃門都推唔入，原來有客人坐左係個門口位，要麻煩人起身先可以推得開入去坐，坐底之後就即刻點左「招牌魚湯米線」等左10分左右終於上檯，一望碗米線心諗，咩事？明明門口張相都有8成滿，但我面前呢碗得3成滿，其實點解唔用細啲既碗呢？是旦啦，好食就得啦，食第一口...冇味既？！碗麵只有2片魚片，2-3件得一半既細豆卜，同埋一塊類似黃豆餅既餅，我完全食唔到魚味，仲話濃湯？碗野極其量只可叫撈麵，$46/1碗...我要自己再加辣椒粉同檸檬汁先可以完成碗麵...絕冇下次，食完仲要去街尾食返隻熱狗先飽！Ps:熱狗好味得多多聲！