豐鍋雞煲 (荔枝角道) (已結業)

深水埗有一間招牌雞煲專門店好出名，佢門口仲有一個霓虹燈打卡點，真係估唔到火鍋店都有得打卡！我哋一行兩個人，叫咗半隻招牌麻辣（小辣）雞煲，職員會係你面前幫你炒個雞煲，都花咗好多時間同心機，怪唔之得個雞煲特別入味呢個雞煲雞件亦都算多，足半隻嘅份量，因為好多時食雞煲都會唔足半隻或者雞件斬得好碎飲品方面打邊爐食雞煲當然要叫凍飲，我哋叫咗水蜜桃梳打同埋藍蝶雪梨！藍蝶雪梨非常特別，係一杯漸變藍色嘅飲品！另外水蜜桃梳打亦非常好飲！火鍋配料我哋叫咗皇帝菜、新鮮鵝腸、牛柳粒同埋新鮮炸魚皮我食完雞煲之後職員會幫你加湯打邊爐，牛柳粒好重牛味，而且油脂分布平均，好有口感另外新鮮炸魚皮佢哋唔係一條條，而係原塊，個人認為就咁食唔放落去打邊爐會更加脆！新鮮鵝腸唔會太肥，而且份量亦都好多！