幸福堂 (已結業)

午飯時間在銅鑼灣走走，見到不同的台式飲品店前都排左長長的人龍，見今日時間鬆動D，所以揀左最新開的幸福堂黎排隊，幸福堂就係老虎堂隔離，門口有兩條長長的人龍，何其壯觀。幸福堂的門口有得求籤，又可以欣賞店員在門口炒黑糖，排隊的時候無咁悶，所以雖然都等左差唔多一個鐘先拎到飲品，但有其他野玩下，就唔經唔覺等到杯飲品了。招牌黑糖珍珠鮮奶，既然係招牌，所以我揀左佢。取到飲品後，被深啡色的焦糖漿吸引，但因為杯蓋唔係密封，所以要用飲管攪均，一飲就飲到好濃厚的奶味，好香，而手炒珍珠都好軟身，好淋好好咬，不過就唔係好夠焦糖味唷