沾仔記 (兆英商業大廈)

營業中

休息中

晚上路經中環，唔算肚餓，未諗到食咩好，忽然想起呢間拳頭咁大嘅鯪魚球馳名店，其實佢嘅雲吞都好大粒。印象中呢間鋪裝修古雅，非常幽靜，所以一於同朋友重遊舊地😄。間鋪喺地庫，落到去依然係熟悉的感覺，非常乾淨，因為冇乜人，所以我地可以坐卡位。好快就有侍應姐姐幫手落單，叫咗鯪魚球麵，雲吞河，菜心，仲有飲品。原來而家鯪魚球可以揀兩粒或者三粒，因為拳頭咁大，所以朋友話食兩粒已經夠😆，而雲吞就包住係全隻大蝦，食落去好爽口，好彈牙，值得一試😍。而家好多小店，茶餐廳，都係掃二維碼，自己落單。呢度有侍應落單，份外親切，她做嘢快手，仲好健談，因為唔多客，所以她上菜或收碗碟時，都有時間同我地傾吓偈，非常有善，仲好風趣。今晚得佢一個當值，因為拍檔放假，她走渾全場，非常勤快，但依然笑容滿面，值得讚賞👍。