影片
更多
2023-01-08
494 瀏覽
成日見到佢啲夜晚優惠彈出嚟😆逢星期一至四同週末夜晚都有唔同嘅優惠，身邊嘅朋友都讚佢星期一任食青口好抵👍🏻生日嘅時候，朋友問我想食咩，我諗都無諗就揀咗哩間😆Classic Caesar Salad ($135)傳統凱撒沙律🥗有羅馬生菜、煙肉、鯷魚、蕃茄、巴馬臣芝士、麵包粒。沙律係預先幫你拌勻，唔係自己落醬，所以沙律醬好夠，好濃味。如果唔太鍾意食醬嘅朋友，可以落單時同職員講，沙律醬分開上。Broccoli & Cauliflower ($60)西蘭花及椰菜花🥦出街食飯都會想食多啲菜，但係叫兩個沙律又會太多，所以叫咗一個 side dish。菜每件都大大件，唔會切到好碎👍🏻Beans & Bacon ($95)煙肉法豆🥓除咗西蘭花、椰菜花，我哋仲叫咗煙肉法豆。煙肉係厚身煙肉👍🏻除咗煙肉同法豆，仲有紅洋蔥，好惹味，會食唔停口😋Marinière (1/2 KG $265 / 1KG $425 )白酒青口🥂食咗咁多前菜，終於進入主菜🍴如果你係青口愛好者，一定要揀星期一黎試佢個任食青口👍🏻咁就可以一次過試哂佢咁多款口味🌝今次揀咗白汁口味，職員一放低鍋青口，未開蓋已經聞到好香🤤每隻青口都漲卜卜，亦唔
生日嘅時候，朋友問我想食咩，我諗都無諗就揀咗哩間😆
Classic Caesar Salad ($135)
傳統凱撒沙律🥗
有羅馬生菜、煙肉、鯷魚、蕃茄、巴馬臣芝士、麵包粒。沙律係預先幫你拌勻，唔係自己落醬，所以沙律醬好夠，好濃味。如果唔太鍾意食醬嘅朋友，可以落單時同職員講，沙律醬分開上。
Broccoli & Cauliflower ($60)
西蘭花及椰菜花🥦
出街食飯都會想食多啲菜，但係叫兩個沙律又會太多，所以叫咗一個 side dish。
菜每件都大大件，唔會切到好碎👍🏻
Beans & Bacon ($95)
煙肉法豆🥓
除咗西蘭花、椰菜花，我哋仲叫咗煙肉法豆。
煙肉係厚身煙肉👍🏻除咗煙肉同法豆，仲有紅洋蔥，好惹味，會食唔停口😋
Marinière (1/2 KG $265 / 1KG $425 )
白酒青口🥂
食咗咁多前菜，終於進入主菜🍴
如果你係青口愛好者，一定要揀星期一黎試佢個任食青口👍🏻咁就可以一次過試哂佢咁多款口味🌝
今次揀咗白汁口味，職員一放低鍋青口，未開蓋已經聞到好香🤤每隻青口都漲卜卜，亦唔會得殼無肉，推薦👍🏻👍🏻
鍋蓋其實係一個細鍋，俾客人放青口殼用，好方便👍🏻
所有青口都會配薯條，食哂青口後，可以用多士點白酒汁一齊食😋
Classic Steak Frites ($355)
經典牛扒薯條🥩🍟
除咗青口，仲叫咗一份牛扒，牛扒都有好幾款，如果weekend夜晚，仲係任食😋
今次揀咗經典牛扒，係250g黑安格斯西冷 ，同樣有薯條🍟
個扒煎得好靚，肉質淋，一啲都唔硬。
Apple Tarte Tartin ($120)
焦糖蘋果批🍰
最後，我哋好節制地只揀咗一個甜品😂
蘋果批配雲呢拿雪糕同白蘭地忌廉醬，不過同我想像有啲唔一樣🤔
原本佢放係pan 入面，影完相後，職員會將佢反轉，放埋雪糕同淋忌廉醬係面，賣相即時大大扣分😅味道還可以，朋友們就覺得太甜，我個人就覺得可以😆
FRITES Beer Sample Paddle ($200 / $100(HH) )🍺
FRITES啤酒試飲組合
叫咗一個生啤組合，生啤款式包括Stella Artois, Hoegaarden, Hoegaarden Rosée, Leffe Blonde, Leffe Brune。
如果唔太飲得，又想試下唔同嘅啤酒揀哩個就岩哂，仲可以幾個人一齊飲，每人一小杯😆
唔夠喉的話，仲有唔同嘅cocktail揀🍸
中間發生咗一段小插曲，消防鐘突然間響，搞到我哋好緊張，諗緊洗唔洗走火警🤣
響咗幾分鐘，就有消防員嚟到，職員一路放低飲品一路睇消防員，結果倒滯哂😑好在縮得快先無中招🤦🏻♀️即刻有醒目嘅職員黎救駕😓
整體用餐經驗都好滿意，食物份量好大，幾個人一齊share 岩哂👍🏻食物好味，偏濃味。
真心推薦哩間餐廳，佢有好多分店，如果夾到夜晚優惠就好抵👍🏻
張貼
