影片
更多
2021-04-19
45 瀏覽
2個細好鐘意食壽司，必叫既壽司一定有蟹籽壽司，因為佢地都係 #蟹籽 迷黎架。因為咁俾媽咪發現左元朗有間專係食蟹子嘅外賣小食店，緊係入去買黎試下喇，順便掃下街食埋元朗既出名小食。落車係又新街一直行入去，就見到又一新城，上一層轉右手邊就見到。舖面需小，但係入邊賣既小食，樣樣都想食，最後就叫左 #人氣王 #芫荽冷麵 #爆多蟹籽冷麵 #爆撈小食 同透明袋裝撈麵 。四樣野食都超多蟹籽，由其爆多蟹籽冷麵，基本上係好似冚左張蟹籽 被咁，開盒既時候佢地以為我買左一大盒蟹籽返黎俾佢地食😂。 而芫荽冷麵基本上同爆多蟹籽冷麵係一樣，不過蟹籽被上鋪滿多一層芫荽，鐘意食芫荽既朋友，如果唔黎試下你就 #走寶。爆撈小食有牛肚、蟹柳、粟米、墨丸、魷魚、大腸，全部加埋一齊撈埋鐘意食既醬汁，再加勁多蟹籽，口感豐富又好味。佢地最出名既除左係蟹籽，仲有佢地既辣，唔係出邊食普普通通既辣，係同個舖名一樣勁辣，辣汁係老闆自己研製架，有7種辣嘅程度選擇，鐘意食辣又或者想挑戰下自己食辣既程度，呢間小店岩晒你。所以我另外買左袋撈麵，挑戰一下小辣，對我黎講，真係好辣，挑戰失敗。而佢地用透明膠袋裝住食物，完全抅起媽媽我既 ＃童年回憶，因為
因為咁俾媽咪發現左元朗有間專係食蟹子嘅外賣小食店，緊係入去買黎試下喇，順便掃下街食埋元朗既出名小食。
落車係又新街一直行入去，就見到又一新城，上一層轉右手邊就見到。舖面需小，但係入邊賣既小食，樣樣都想食，最後就叫左 #人氣王 #芫荽冷麵 #爆多蟹籽冷麵 #爆撈小食 同透明袋裝撈麵 。
四樣野食都超多蟹籽，由其爆多蟹籽冷麵，基本上係好似冚左張蟹籽 被咁，開盒既時候佢地以為我買左一大盒蟹籽返黎俾佢地食😂。 而芫荽冷麵基本上同爆多蟹籽冷麵係一樣，不過蟹籽被上鋪滿多一層芫荽，鐘意食芫荽既朋友，如果唔黎試下你就 #走寶。
爆撈小食有牛肚、蟹柳、粟米、墨丸、魷魚、大腸，全部加埋一齊撈埋鐘意食既醬汁，再加勁多蟹籽，口感豐富又好味。
佢地最出名既除左係蟹籽，仲有佢地既辣，唔係出邊食普普通通既辣，係同個舖名一樣勁辣，辣汁係老闆自己研製架，有7種辣嘅程度選擇，鐘意食辣又或者想挑戰下自己食辣既程度，呢間小店岩晒你。
所以我另外買左袋撈麵，挑戰一下小辣，對我黎講，真係好辣，挑戰失敗。而佢地用透明膠袋裝住食物，完全抅起媽媽我既 ＃童年回憶，因為以前放學同同學一定會買黎食。
張貼
