美而廉餐廳 (已結業)

睇報紙知道佢哋執笠 立刻過嚟試吓這裏的鐵板餐 人就係咁 我途經過這裏好幾次 但都冇諗過入嚟食 往往係要失去先識去珍惜 這個時代很多老舖都要面臨清拆 又地產商又"Lings" 好多好食又有特色都敵不過貴租 令人婉惜 說回今晚 我六點半嚟到已經有十多人喺出面等 於是喺龍尾等 不久 我行過入去問是否要後面等 個櫃面話撘枱即刻有位 咁我當然即刻入去啦 排緊隊o既人以為我哋打尖 我哋真係唔係打尖 令你們誤會不好意思 入到去地方幾懷舊 等咗十分鐘都未有人嚟執枱 想點菜又俾個伙記話: 等吓啦 唔等得就出番去 之後個櫃面同我哋解釋 佢個人比較暴燥 希望我哋唔好介意 我覺得冇乜所謂 我喺大埔街市欽記「訓練」過 lee D算得係咩吖 我哋嗌咗豬扒餐配蟹蚶黑椒汁 同七成熟牛柳配洋葱汁 先嚟羅未湯 d味極濃 唔似一般蕃茄水 之後個蒜茸多士都唔錯 又夠厚 個牛柳好大塊 七成熟亦啱啱好 又有大量薯條喺底 而我個餐有兩大塊豬扒 好抵食 可惜個蟹蚶係凍o既 以七十幾蚊個餐嚟講可謂無懈可擊 起碼明碼實價 唔會圖片只供參考先啦 如果可以的話我會再來一次