影片
更多
2005-05-20
1 瀏覽
今晚約左朋友仔食飯本來想去九龍城食泰國菜但見落雨濕濕打消左呢個念頭突然想食檬粉或者金邊粉決定去食越南菜黎到六點幾得一兩檯人叫左鹽烤牛肉撈金邊粉,越式海鮮雜菜煲,風味小食拼盤同一杯用左士多啤梨汁,香橙汁,啤梨汁同梳打混成既紅色飲品鹽烤牛肉撈金邊粉～牛肉好大片,但有d un,不過都有少少牛肉味,可以咁啦!金邊粉由於平時餐牌上無凍撈,所以係即刻淥俾我既,帶少少熱,但混合左d酸辣汁味道唔錯!不過美中不足係仍然有少少黐埋一舊!越式海鮮雜菜煲～呢個好足料,有新鮮蝦,魷魚,魚片,芥蘭,椰菜,粉絲,青口,菠蘿,青椒等等配料,d汁味道o岩o岩好,唔會太濃,起碼食完唔會話勁口渴. 粉絲份量好多,兩個人叫一碗金邊粉加埋呢個d粉絲夠晒飽肚!風味小食拼盤～有鳳爪,炸蝦餅,扎肉同濱海,鳳爪帶少少辣,又無乜骨,味道唔錯. 炸蝦餅炸得唔油,雖然無泰苑o個d咁彈牙,但都有蝦味,點左甜酸醬味道都唔錯! 扎肉都係街巿即食貨,但可能我好耐無食過呢樣野,又覺得唔錯喎!不過至好係份量有好多,一d都唔孤寒. 反而最差係濱海,佢係一片蝦片上放左檬粉,豬肉,蔥油,我習慣一層層咁食,但食到尾想食蝦片時,發現蝦片上面有好多油,而且仲腍晒,
本來想去九龍城食泰國菜
但見落雨濕濕
打消左呢個念頭
突然想食檬粉或者金邊粉
決定去食越南菜
黎到六點幾
得一兩檯人
叫左鹽烤牛肉撈金邊粉,越式海鮮雜菜煲,風味小食拼盤同一杯用左士多啤梨汁,香橙汁,啤梨汁同梳打混成既紅色飲品
鹽烤牛肉撈金邊粉～牛肉好大片,但有d un,不過都有少少牛肉味,可以咁啦!金邊粉由於平時餐牌上無凍撈,所以係即刻淥俾我既,帶少少熱,但混合左d酸辣汁味道唔錯!不過美中不足係仍然有少少黐埋一舊!
越式海鮮雜菜煲～呢個好足料,有新鮮蝦,魷魚,魚片,芥蘭,椰菜,粉絲,青口,菠蘿,青椒等等配料,d汁味道o岩o岩好,唔會太濃,起碼食完唔會話勁口渴. 粉絲份量好多,兩個人叫一碗金邊粉加埋呢個d粉絲夠晒飽肚!
風味小食拼盤～有鳳爪,炸蝦餅,扎肉同濱海,鳳爪帶少少辣,又無乜骨,味道唔錯. 炸蝦餅炸得唔油,雖然無泰苑o個d咁彈牙,但都有蝦味,點左甜酸醬味道都唔錯! 扎肉都係街巿即食貨,但可能我好耐無食過呢樣野,又覺得唔錯喎!不過至好係份量有好多,一d都唔孤寒. 反而最差係濱海,佢係一片蝦片上放左檬粉,豬肉,蔥油,我習慣一層層咁食,但食到尾想食蝦片時,發現蝦片上面有好多油,而且仲腍晒,我諗係一早整定所致!呢個最唔掂,但不得不同意呢碟係好抵食
紅色飲品～本來無打算叫,但佢話飲品半價,見呢個汁幾特別又係人氣之選,咪叫一杯試下,點知好失望,得個甜字,無乜特別!下次都係唔會叫野飲!
服務可以話幾好,有個男侍應反應都幾快,叫佢加水都即刻做到,另外幫手落單既女侍應都幾有禮貌,但衰在無乜笑容囉!
至奇係有個好似係老闆娘既女人叫佢黎落單時好似好唔情願咁,雖然最後都有行過黎,但一見有客入黎即刻乘機閃開,好彩另外個女侍應即刻補位幫我落單
p.s.呢度夜巿要收加一架!另外一提係廁所o係舖尾,要經過一小段比較dirty既路先行到去! 建議去完先好去食飯!
張貼
