影片
更多
2019-04-04
8851 瀏覽
人人都排隊，真係人人都鍾意排隊咩。。。我個人好憎排隊，覺得係浪費人生，但朋友話想食，就排下啦。。。預早6：20pm到達，已經有條人龍，玩咩。。。你班人咁早放工。。。去到7:00pm果陣，條龍仲誇張。排咗個幾鐘，7:40pm左右終於有位，坐底即刻叫咗個意粉同醎班戟，食物上得都算快黑松露忌廉意粉：都唔錯，草菇幾多，不過松露香味唔夠同埋「粒」口咗少少牛油果配三文魚班戟：還可以啦，啲沙律菜好新鮮，但啲三文魚一睇就知係平價貨，顏色偏淡又唔夠油香，另外個班戟有啲乾士多啤梨藍莓香蕉班戟：好攪笑，呢間餐廳啲菜名真係貼題，食咩都係個菜名度show晒出黎，唔洗你估，係呀，有士多啤梨、藍莓同香蕉，仲有忌廉同梳乎厘班戟，梳乎厘班戟係Flipper's 出品，當然有一定保證，好香蛋味又軟熟，係全餐最好食既伯爵茶：最正係佢$28，仲送三粒日本蕨餅，抵啊！總結：三個人食，三碟野三杯飲品，一人$170，今時今日係幾抵食，不過除左個疏乎厘班戟之外，其餘兩樣醎食都係一般，同埋要排隊個幾鐘先有位啊。。。我一定唔會再排囉。。。
預早6：20pm到達，已經有條人龍，玩咩。。。你班人咁早放工。。。
去到7:00pm果陣，條龍仲誇張。排咗個幾鐘，7:40pm左右終於有位，坐底即刻叫咗個意粉同醎班戟，食物上得都算快
黑松露忌廉意粉
$119
190 瀏覽
0 讚好
0 留言
黑松露忌廉意粉：都唔錯，草菇幾多，不過松露香味唔夠同埋「粒」口咗少少
牛油果配三文魚班戟
$129
136 瀏覽
0 讚好
0 留言
牛油果配三文魚班戟：還可以啦，啲沙律菜好新鮮，但啲三文魚一睇就知係平價貨，顏色偏淡又唔夠油香，另外個班戟有啲乾
士多啤梨藍莓香蕉班戟
$119
122 瀏覽
3 讚好
0 留言
士多啤梨藍莓香蕉班戟：好攪笑，呢間餐廳啲菜名真係貼題，食咩都係個菜名度show晒出黎，唔洗你估，係呀，有士多啤梨、藍莓同香蕉，仲有忌廉同梳乎厘班戟，梳乎厘班戟係Flipper's 出品，當然有一定保證，好香蛋味又軟熟，係全餐最好食既
伯爵茶
$28
73 瀏覽
0 讚好
0 留言
伯爵茶：最正係佢$28，仲送三粒日本蕨餅，抵啊！
總結：三個人食，三碟野三杯飲品，一人$170，今時今日係幾抵食，不過除左個疏乎厘班戟之外，其餘兩樣醎食都係一般，同埋要排隊個幾鐘先有位啊。。。我一定唔會再排囉。。。
張貼
