影片
更多
2021-05-24
698 瀏覽
成日都見到朋友喺IG post 燒肉，搞到自己都想食。咁就心思思想去牛角食，見到可以喺App 遙距攞飛，咁就7:00撳咗張飛，諗住慢慢啦行去唔駛等咁耐。點知去到8:45見到個Number郁都冇郁過，先知道原來疫情關係10:00閂門，所以已經截左。唯有下次再食啦。 去到第二次，星期五6:30就攞飛諗住八點幾可能都有得食，點知又係白等。佢金會員係可以打尖，所以點都排唔到你。去到第三次（今次）。5:00就開始攞飛，發現5:00嘅Number係去得好快，我諗好多人都好似我咁諗住拎咗飛遲啲先去。結果唔使10分鐘我張飛就已經過咗時。大約5:40左右，啲Number先開始慢落嚟。《攞飛攻略》建議用兩部或以上嘅電話，相隔5分鐘拎一次飛，在觀察啲Number叫嘅速度。四人枱為例，45分鐘大約叫到5至10個Number。今次叫咗匯豐卡優惠套餐，七百幾蚊，雖然話二人餐但係三個人食到好飽，因為有兩大碗飯（牛角飯同埋蟹膏飯），佢個套餐又唔多花巧嘢，唔會屈你食甜品，計返每人二百幾，其實食平過食牛角buffet。不過要撞啱你三個人都唔係好大食。味增醬可以問店員攞Overall覺得衛生非常好，肉嘅質素唔差，如果可以清
《攞飛攻略》建議用兩部或以上嘅電話，相隔5分鐘拎一次飛，在觀察啲Number叫嘅速度。四人枱為例，45分鐘大約叫到5至10個Number。
10 瀏覽
0 讚好
0 留言
今次叫咗匯豐卡優惠套餐，七百幾蚊，雖然話二人餐但係三個人食到好飽，因為有兩大碗飯（牛角飯同埋蟹膏飯），佢個套餐又唔多花巧嘢，唔會屈你食甜品，計返每人二百幾，其實食平過食牛角buffet。不過要撞啱你三個人都唔係好大食。
味增醬可以問店員攞
Overall覺得衛生非常好，肉嘅質素唔差，如果可以清楚標明每一種肉嘅煮食時間就更好啦，因為我驚會煮得太耐，嘥咗塊A5牛肉。我覺得牛角同自己屋企燒最大嘅分別係佢可以有好多唔同肉嘅種類，一次過滿足唔同願望。
我覺得對於我呢啲鍾意食cheap野嘅人來講，排隊要排三日同埋價錢又唔係特別平，耐唔耐食一次就足夠啦。
張貼
