School Food (已結業)

難得上星期有時間就同左母親大人出銅鑼灣食想食好耐好出名嘅韓國餐廳school food食晚飯。雖然只係6點幾，但原來已經要等成接近廿張枱啦，真係好誇張。等左大概半小時左右就可以入坐啦。我想重點介紹兩樣食物。第一樣就係佢嘅炸雞配韓式沙律。佢嘅炸雞熱辣辣咁好香口，上面有d沙律醬更可以帶出雞嘅味道，而沙律方面就係辣辣哋酸酸哋，都幾開胃嫁。第二樣就係佢嘅廚師推介卡邦尼嘅年糕啦。其實佢用嘅就係卡邦尼同蛋汁，所以個汁係好濃。而年糕都整得好有咬口，加埋d粉絲一齊食真係一流，唯一唔好就覺得佢有少少太甜啦。