榮耀餐廳 (已易手) 新餐廳

以前都係住喺田心村嘅，嗰陣都仲未有依間餐廳，今日返去舊屋企搵auntie探狗仔，經過發現依間餐廳，出邊有空曠位置可以方便爸爸泊單車，就揀咗依間試吓。難得今日有做下運動， 夜晚就食好啲奬勵下自己啦。 我就嗌咗一個肉眼扒set，連沙律同嘢飲。值得一讚嘅係佢個source 食得出係自己整嘅，好特別，有啲清酒味嘅燒汁，杯奶茶都好滑，好香，食得出係用心之作。牛扒五成熟啱啱好，襯埋個汁好好味。