永記車仔麵

營業中

休息中

11:40落單到12:30都未見人，打去問就聲大大話冇寫我嘅電話俾外送嘅人，跟住又話外賣到咗。我在門口企10分鐘未見人再打去，hold住我電話就另一條線接外賣，到接聽就話唔知幾時會送到，又話好多單外賣做，態度十分惡劣！冇辦法再等落去就打電話想取消，佢就接咗我電話又要我等，一等又3分鐘聽佢另一邊繼續接外賣，直頭唔打算理我，有冇咁離譜？我搵同事打俾佢就即刻接聽，我覺得佢專登玩嘢。由佢哋冇寫電話開始都唔係我嘅錯，唔好意思都冇句仲好似遲到係應該？最唔啱就係我幫襯你哋。真係冇下次。希望你哋以後都大把生意唔憂做，荔枝角唔係好其他餐廳，而且你哋嘅食品質素都好一般，唔食冇損失！