越裸 (已結業)

呢個牛肉粉一定係值得推介。店内裝修有格調, open kichen 可以看到内裏工作埋頭苦幹的廚師, 食得放心。從店員口中所知, 佢地賣既係南越口味既湯底, 同我地一般食開既唔同。 原來在港食開既都係北越口味。粉係用新鮮全邊粉, chewy d, 米香較重。 賣相不得了。 料頭十足。 有牛尾有牛腩有牛展有牛根。。。齋睇樣都已經殺曬。 湯底呈現brown, brown得黎好清, 未食已經聞到有陣香料味。湯底味道很濃, 偏甜, 但是我喜歡的。 味道好balance。 可以飲得出冇味精, 因為好順好舒服, 咁既湯頭對於我呢D對msg敏感既簡直係恩物。 肉既質素也不錯。 唯獨是份量太多, 一人去食有D heavy。 anyway, 我食曬。 係連湯都飲埋。 呢間野D出品好有heart, 值得黎try 下, 不過講D店員講收好早, 要食要把握時間。