饗11 (已結業)

月頭出糧梗係要對自己好啲，食個鐵板燒午餐，去到先知道原來做緊75折，好抵食呀。環境好寬敞好舒適。午餐鐵板燒原價$458 ，折後$390 一位套餐包括前菜刺身，立魚 ，油甘魚，八爪魚都是很新鮮。茶碗蒸 ，滑滑嘅雞蛋 。然後師父喺面前 開始預備鐵板燒的食材，北海道帶子肥美又厚身。鵝肝多士，真係令人滿意，甘香 停留在口腔內。深海虎蝦，先把蝦頭煎香再取出蝦膏 ， 把蝦肉切成細件，鮮嫩好彈牙。a4黑毛和牛薄燒，加入炸蒜頭片及香蔥 ，純熟用牛肉捲起 。仲有櫻花蝦炒飯，粒粒黃金色，食到尾聲好飽，好滿足。最後有麵豉湯漬物酸蘿蔔及蒜頭甜品日式奶布甸及日本哈密瓜 。我們另外價錢點咗兩杯無酒精飲品。