湯•米 (已結業)

今晚去左食〈招牌臭臭鍋〉🍲，入面配料非常多，有臭豆腐、肥牛、鴨血、滷大腸、台灣貢丸、娃娃菜、雲耳、金針菇、冬菇、粟米、炸薯仔、炸枝竹同鳴門卷。淨係食配料都已經好夠，個鍋仲跟飯或者粉絲，夠哂滿足！因為同朋友share一個鍋，所以都額外嗌左d火鍋配料，估唔到係加配既份量竟然係咁多，而且只係10幾蚊到30幾蚊!!〈酥炸花枝墨魚丸〉🍢〈台灣夜市小香腸〉🌭呢度既小食都好吸引，墨魚丸大大粒，外脆內軟；台灣腸就同台灣食到既味道一樣，夠哂風味！〈芝士茶王8號〉🧉〈滿杯菠蘿〉🍍前者茶味好出，芝士奶蓋鹹香味濃；後者係用新鮮菠蘿打成既沙冰，仲額外加左芝士奶蓋，又估唔到咁夾，推介！